Disculpes a los mios amigos y seguidores

Dende fai más d'un mes tengo problemes colos ordenadores de mio que nun acabo d'iguar (nin formateándolos). Asina que durante unos díes (igual dalgunes selmanes) vo tener problemes pa caltener al día'l blog y facer les dos entraes diaries que vengo faciendo, asina como pa llevar bien la correspondencia y la mio participación n'otros sitios.

Siéntolo y pido disculpes.

¡Perriba los 4.000 amigos!

Xuan Xosé Sánchez Vicente: asturianista, profesor, político, escritor, poeta y ensayista. Articulista en la prensa asturiana, y tertuliano en los coloquios más democráticos. Biógrafo no autorizado de Abrilgüeyu

Hai díes que'l númeru d'amigos en facebook reblagó perriba los 4.000. A toos ellos, gracies pola so confianza y el so enfotu.

Equí, nel blog, ando cerca los 90 seguidores. Gracies a ellos tamién.

Pola mio parte, espero seguir proporcionándo-yos análisis y puntos de vista d'interés, además de semeyes de materies diverses.

Códigu QR del blog

Como complementu a la versión del blog pa móviles que comenté ayer (EQUÍ), apúrrovos el códigu QR que lleva a esti blog

La ventaxa principal ye capturar la dirección del blog (http://www.xuanxose.net/?m=1) ensin necesidá de teclear. La mayoría de vosotros tecleáis con rapidez y axilidá, pero siempre ye más fácil (y ensin errores) que'l teléfonu lo faiga por ún.

Solo necesitáis un teléfonu modernu con cámara, con dalguna de les multiples aplicaciones gratuites (y que podéis descargar per internet) que permite lleer codigos QR

Seguro que munchos ya los vistis nes mios tarxetes de visita o dellos folletos d'UNIÓN URAS-PAS. Agora solo queda que lu uséis pa faceme una visita a través del móvil.