Paez que dimos col bosón de Higgs

- Colisión entre protones en un experimento del CERN -

Güei, día de san Fermín, nun ye un mal día pa recordar que'l pasáu xueves los portavoces de los esperimentos del LHC (Gran Colisionador d'Hadrones), Joe Incandela y Fabiola Gianotti, confirmaren que yera casi seguru que se topara'l "bosón de Higgs", partícula predicha por Peter Higgs (presente nel anunciu la noticia) nos años sesenta, y que vendría pesllar la teoría estándar de la física cuántica y d'una parte la cosmoloxía vixente.

Colo que paez ser esa confirmación piésllase un llargu trabayu de búsqueda, anque queda entá por desplicar casi tola composición del universu y el talantar cómo funcionen determinaes fuerces, por exemplu, la gravitatoria.

Polo demás, la teoría del Big-Bang, la teoría actualmente más aceptada sobre l'orixe del universo, sigue siendo una fantástica novela.

Pa más información: "Diez misterios de la ciencia sin resolver"