El pasáu día 13 di un recital poéticu d'una antoloxía la mio creación. Al empar, la cantante fadista María do Ceo.
Nos prósimos díes vo dir asoleyando los testos que lleí nel recital.
Va equí la segunda parte de "cinco poemes eróticos", del mio tercer poemariu, De reidores costes (1988).
La
to piel tien la ñidiura'l melocotón.
Delantre los mios déos van despertando al
vuelu báramos
de páxaros:
rosada, la to sangre surde al alba.
Un
istante enantes
una
mano de fueu llanza al aire'l gritu del to cuerpu,
cancien páxaros blancos y
xazmines azules.
Dempués l’ámbetu ásela y hai entós un esñalíu d'algodones
que s'endolca nos miembros desdexaos y
nos llabios vencíos
les tos manes
vienen dormísete nos pechos comu una
nevada de sanxuanes
