El pasáu día 13 di un recital poéticu d'una antoloxía la mio creación. Al empar, la cantante fadista María do Ceo.
Nos prósimos díes vo dir asoleyando los testos que lleí nel recital.
Van equí, en dos partes, cinco poemes eróticos, del mio tercer poemariu, De reidores costes (1988).
Un ádene de roses los tos llabios
cuandu caen a los míos
¿Quién será pa
contar la ñidiura la rosa,
la tiez
de la camelia, l'arrecendor la lila,
la esteladora sienda de los cadriles tuyos?
¿Con cuálo comparar la
gayola los tos todiellos, la curva los tos pies,
esa ñidiura de garza cola qu'enfilen nel arroyu?
Les agües tornen
correr ríu abaxu dempués del so
fracasu'n sonsañate.
No hay comentarios:
Publicar un comentario