El poema pertenez a As de corazon es y es, el caberu de losa soleyaos hasta agora, onde se combinen procedimientos "vanguardistes", poesía icónica o caligrames, y la materia d'Asturies, tanto material (horru, maíz, duernu, llagar...), como hestórica ("Gonzalo Méndez de Cancio embarca l'arca de maíz"). Al mesmu tiempu, ta presente tanto la cultura popular asturiana (cancios, tonada), como les fórmules métriques tradicionales, romance especialmente.
G
U F Ó N
EL
SILENCIU
Ñubes grises
Horizonte
Y la mar
Arrestiella
Nel pedral
Y d'esmenu
Un runfar
Nun se sabe
De ú sal
Y de golpe
Con bramar
D'agua y agua
Un fontán
Qu'hasta'lcielu
Quier xirgar
Y desmaya
Con
un plax
Y el silenciu
Torna yá
Ñubes grises
Y en pedral
Nuevamente
Vien la mar
Como cueru
Arrestiellar
Y yá d'otru
Fontanar
El
ruxíu
Va
sonar
Gavilota pedrera
Saltimbanqui d'espluma
Xirgador de sorpresa
Tarbolín
de fortuna
Furón
Surnión
Chiscón
Gufón
Sutidor
De quita y pon
No hay comentarios:
Publicar un comentario