El pasáu día 13 di un recital poéticu d'una antoloxía la mio creación. Al empar, la cantante fadista María do Ceo.
Estos díes toi asoleyando los testos que lleí nel recital.
Va equí un poema que tien como centru la ciudá d'Uviéu. Como se ve, tien un tonu un pintín humorísticu, estremáu del de mañana, Catedral. Pertenez a ...Y de llastientes picos (1999).
CATEDRAL
La
frontera del trigu y del vinu pasaben pel
Ebro,
por eso Álava tien barrios enteros de ricos
edificios de piedra.
Les
tropielles de pelegrinos aportaben, como en bastiazu,
sieglu tres
sieglu, a Galicia,
darréu d'ello
Santiago, Lugo, Pontevedra, Ourense
tienen riques
ilesies y amplies catedrales
llabraes
en piedra.
Sobre
Sevilla corríen los arroxos d'oru
que
los galeones carretaben nel somantu,
por
eso les calles de Sevilla tan estraes de nobles y ricos pabellones.
A
Madrid baxaben y xubíen les rentes del Estáu,
del
Norte y del Sur,
y
biltaben en forma de palacios y casones nel Madrid de los Austries.
Per Asturies nun
inxamás pasó la frontera del trigu nin del vinu
(¿cómo sacar frutu d'esa que
dicíen «vinu de probes»?)
nin llegaben a
ella los ríos bayurosos del oru americanu
(salíen, al
contrariu, a báramos, famientos emigrantes)
nin fuimos
l'arbolaria cabeza d'un imperiu
(fradada la
corona pol azáu de Castiella):
y guañaren
perpocos los palacios,
y un día al cielu llevantóse la catedral manca de
torre y piedra,
fía, al fin, de
la tierra:
escasa de poder,
escosa de riqueza.
No hay comentarios:
Publicar un comentario