Con frecuencia sentimos: "hai que cambiar el modelu económicu (o productivu)" o les sos variantes: "el Gobiernu nun fai nada por camudar el modelu económicu", etc.
Bocayada.
Naide puede cambiar el modelu económicu. El Gobiernu nun puede cambiar el modelu económicu (o productivu). Son los axentes económicos, los empresarios, les empreses, los que van camudando, si acasu, el status quo económicu, y faenlo si nun ganen perres no que les están ganando o si van amenorgando la so capacidá de ser competitivos (primera condición), y si tienen, pa pegar el saltu a otres actividaes, los conocimientos, la tecnoloxía y el capital necesariu.
Pero nun se puede camudar de modelu económicu como se camuda de chaqueta, nin se fai mediante una inserción nel BOE (o nel BOPA). Además, los gobiernos NUN PUEDEN (nun pueden, digo, que significa "ser pa ello" non "deber") cambiar el modelu productivu: nin son pa saber qué ye lo que fai falta nel futuru, nin, de sabelo, pa diseñalo o ponelo en práctica. NINGÚN GOBIERNU (salvo que sea un gobiernu totalitariu, como'l de Cuba, Corea del Norte, la URSS, etc. y fabrique entós calcetos que naide quier y dexe de fabricar bufandes azules, poles que tol mundu nagua, por un decir) PUEDE.
Y toles esperiencies parciales nesi sentíu (como bien sabemos n'Asturies) de xente que "planifica" dende l'Alministración y la burocracia nun son más que desastres económicos, eso sí, qu'abelluguen amigos y enchufaos y anicien grupos de presión, sindicatos y colectivos sociales.
¿Y por qué cree vusté que dende'l 2002 vien diciendo'l PSOE que hai que camudar el modelu económicu -con aquellos dos pintorescos Rodríguez Zapatero y Miguel Sebastián Gascón atestoniando nello tol día, como agora lo repite Pedro Sánchez- y nun lo fizo?
PORQUE YE UNA BOCAYADA
1 comentario:
I nun se puede politicamente poner unes regles enriba la mesa pa que les empreses xueguen a so xuegu económicu????
Publicar un comentario