El pasáu día 13 di un recital poéticu d'una antoloxía la mio creación. Al empar, la cantante fadista María do Ceo.
Nos prósimos díes vo dir asoleyando los testos que lleí nel recital.
Esti ye'l primer poema, Nava, de 1979, ensiertu nel mio primer poemariu, Camín de señardaes.
(Por ciertu, si ven esti poema y l'anterior, Nava; o si ven el poemariu, yá me van decir de ónde sal eso de que la poesía del Surdimientu yera toa "poesía militante". Tópicu y vagancia.)
Pesa la soledá.
Perpesa.
Com'un paxu enllenu de silencios azules,
como'l sable moyáu en baxamar desierta.
Pesa la soledá.
Perpesa.
Como apalpase ún mesmu
y topar piel ayena.
Nota: na edición orixinal: y cincar piel ayena.
No hay comentarios:
Publicar un comentario