Con motivu del nonaxésimu aniversariu del filósofu del llugar onde la pita cantó dempués d'asada (Santo Domingo de La Calzada) los medios asturianos (La Nueva, El Comercio) y dellos estatales (El Mundo, por exemplu) anden estos díes publicando una serie de reportaxes sobre la so vida y obra, asina como entrevistes con elli.
De too ello, por maravioso, recomiendo los segundos que van del minutu 6,46 a 6,53, de la entrevista (asoleyada en videu) que-y fai Mercedes Álvarez, la ex Conseyera de Cultura (http://www.elcomercio.es/videos/asturias/201408/31/entrevista-gustavo-bueno-mercedes-3756530796001-mm.html). Produzse ehí un verdaderu fenómenu.
Por cierto, a mí siempre me resulta mui prestoso lo que diz Gustavo Bueno. Otra cosa ye que piense que lo que diz tien más o menos que ver cola realidá. En tou casu, en lo que ye escepcional ye n'espir la vacuidá de la mayoría les frases que decimos como importantes, en tolos ámbitos (políticu, social, científicu, relixosu..), la so carencia de significáu; lo que quier decir l'ausencia de pensamientu que ta detrás de toes eses frases solo aparentemente significatives.
No hay comentarios:
Publicar un comentario