Regalu pa los suscriptores y seguidores

Llanto equí la cabera poesía que lleí nel recital de Bueñu:

Tien tres díes (bueno, güei cuatro) y ye un homenaze a Bueñu

                                   ACRÓSTICU 

Baxa’l Nalón, yá ruxendo en pimplones y rabiones, yá sele apigaciando, como envueltu nun sueñu;
Uquiera les sos agües besen tierra van faciéndose verde de campera,
Esperanza de fruta nos frutales, de verde o de maíz na llosa, nel árbol, de madera;
Ñiciu van ser dempués que llance una tonada de pegollos y trabes y colondres que s’enriede nel aire de les cases y les calles: horros
Ú más tarde colgarán en riestres d’ilusión los acordes del jazz, la señardá del fadu, la lluz que pinta una infinita paleta de verdes  y d’orbayos cola que viste Bueñu.