Güei, 3 de mayu, nel salón d'actos del RIDEA, preséntase Llazarín de Tormes. El llibru ye'l primeru d'una serie que la editorial Laria entama de clásicos universales tornaos al asturianu.
La torna, magnífica, faela Pablo Suárez (Pablo Suárez ye l'autor de la torna d'El Quixote, que recomiendo enfotadamente lleer). A mi tocóme face-y el prólogu, nel que creo qu'apunto daqué perspectiva nueva sobre la obra anónima.
La mesa, como veis, nun acena aburrimientu.
