Rótulos del PDP

Nel chaflán de l'enxertamientu la calle L'Entregu y Puertu Cubillas (Xixón), güei mesmo, 03/03/23: Un cartel sobreviviente del PDP, de los munchos qu'hubo en Xixón y que solíen pintar en cierres de baxos como esti. En Fuente del Real, acera de los impares hubo otru qu'asoleyé va tiempu y que duró décades. El PDP tenía como cabezaleru a Óscar Alzaga, que se distinguía pola voz un daqué peculiar, el focicu y les gafes. Los resultaos del PDP fueren escasos, anque la so pintura duró muncho.

Memoria histórica: PDP y Óscar Alzaga

Memoria histórica

Queda entovía pel mio barriu esta pintada del PDP, el partíu que tuvo como cabezaleru a Óscar Alzaga, y qu'atropó non más qu'una relativa mozaína de votos en toa España. Non mui lloñe, a menos de 150 m, quedaba hai dos años otra pintada igual. Pel restu de Xixón yo nun les veo. Nun sé si sobrevivieron tanto nel mio barriu porque hubo militantes mui trabayadores, porque'l barriu conservó munchu tiempu baxos ensin ocupar o porque, cenciellamente, yo nun caleyo peronde les hai. En tou casu, ehí queda esti ñiciu de memoria histórica del PDP, del so cabezaleru, Óscar Alzga, y del so emblema.

PdP (pintaes y emblemes)

Nel mio barriu. Topo dos nueves pintaes del PdP, aquel partíu de la Transición qu'encabezaba Óscar Alzaga y del cualu los resultaos fueron forgaxa.

De toes formes, esta supervivencia faeme referver varies coses. La primera cómo munches zones o llocales permanecen inalteraos a lo llargu'l tiempu, ensin que s'alquilen o ensin que nin siquier venga nadie a pintar enriba o poner un cartelu.

Y lo segundo que me vien a la cabeza ye pensar pol paisanu que tanto trabayó pa pintar estos emblemes: ¿yera militante o solo contratáu? De ser militante, ¿cuálu sería'l grau del so enfotu y a ónde baxaría esi enfotu tres los resultaos electorales? ¿Diba solu o acompañáu? ¿D'un fíu, de la muyer, d'un amigu? ¿Ónde pararán agora? ¿Alcrodaránse agora d'aquella aventura y del so rixu pasaú?

En fin, material, pal refervimientu, la imaxinación y la señardá.

PDP

El PDP fue un partíu d'inspiración democristiana. El so presidente fue Oscar Alzaga. Tuvo vivu ente 1982 y 1989. Estes pintaes tán en Fuente del Real dende aquellos años.

Restos y glories del pasáu

Sí, el PDP, el d'Oscar Alzaga (y, equí, d'otros de los que quiciabis nun s'alcuerden). Ehí sigue, la memoria la so memoria. Na cai Hermanos Felgueroso, subiendo hacia La Cruz de Ciares, nada más doblar Fuente del Real, en Xixón.

La semeya, del 30/05/12.