Prestoso lo de la Davis

La sexta Davis. Esta vegada, nun formatu nuevu, que se xuega en poco díes (y como negociu pa Gerard Piqué).

Prestoso. Y almiratible lo de Nadal, que nun solo xuega bien y, según tengo entendío, paga los impuestos n'España, sinón que supera, una y otra vegada, lesiones importantes y meyora nel so xuegu ,ensin baxar inxamás nel so entusiasmu.

Que tuviera ehí Pablo Carreño Busta tamién presta.

La semeya, de La Nueva España

Güei, en LNE: PRÉSTANOS

(Trescribo, como davezu, los primeros párrafos)

L'aprecederu

Préstanos

Éxitos deportivos con protagonistas asturianos

Xuan Xosé Sánchez Vicente 18.09.2017 | 03:27

Préstanos

Llevo años señalando nel mio blog l'alegría pol triunfu de los deportistes asturianos nos deportes que dan en llamase minoritarios. Esti últimu mes esos éxitos vienen siendo como l'agua esti veranu: un día sí y otru casi tamién.

Cinco asturianes participaren na selección española que quedó campeona del mundo nos World Roller Games: Sara González, Marta González Piquero, Natasha Lee, Anna Casarramona y María Díez. Delles, además, son xugadores del Hostelcur, un club que, con esi nome y col anterior de Biesca, tien les vitrines atarraquitaes de trofeos.

Los triunfos del tenista Pablo Carreño Busta (¡como pa nun nota-y la nación con esos dos apellíos!) nun son de güei, pero estos últimos díes llegó casi a lo alto l'Urriellu (o, si se quier en ciclista, del Angliru) nel US OPEN y allugóse ente los diez primeros del mundu.

[.............................................................................................................]

Más ésitos del asturianu

Pablo Carreño, semifinalista de Indian Wells por la puerta grande

El asturiano logra su mejor resultado en un Masters 1000 tras ganar a Pablo Cuevas (6-1, 3-6 y 7-6)

Va de deporte: Pablo Carreño

Fuera del fútbol, dámos-y poca importancia al nuestru deporte. Incluso a los éxitos de los nuestros deportistes.

Güei quiero equí aponderar a Pablo Carreño Busta, un xixonés y asturianu, polo tanto, que ye un de los más destacaos tenistes del panorama internacional, onde va esguilando añu tres añu. Últimamente, además, tuvo un papel perimportante na clasificación de la selección española na Copa Davis.

Norabona polos tos éxitos y gracies pol to trabayu.

(Por ciertu, nacíu en Xixón -12 xunetu del 1991- y con un apellidu del conceyu vecín y otru del l'oriente, d'hacia Colunga).