Antiayer, 8, pasé camín de la feria muestres, invitáu a un actu de los autónomos organizáu por CONFIA. Diendo p'allá, hacia les 11,30 topé una llarguísima cola, que nun caminaba nes taquilles del Sporting d'El Molinón. A la vuelta, a la 1, topé la mesma cola. Imaxino que lleven asina dellos díes. Al marxen de la pregunta obligada de si en Xixón hai tanta xente que tenga tantu tiempu pa perder, ha otra más importante: ¿Nun se pueden sacar los abonos per interné? ¿Cómo ye posible que tanta xente tenga que perder tantes hores pa un trámite? ¿Cuánto cuesta eso? ¿En qué sieglu vivimos?
