Ayer el plenu del ayuntamientu de Xixón (votos a favor PSOE, IU, en contra Foro, abstención PP) "reprobó" (esto ye, vino a deci-y "¡qué malu yes, Carlinos!") al autor de La Capitana, porque llamara "mamporrero" (con "o", paezme) políticu a ún del PSOE y "botarate" a ún d'IU. A la so vegada, na defensa del autor de la popular partitura, el representante de Coto recordó qu'a ellos, los de Foro, llamárenlos enantes coses más gordes los del PSOE y IU: "fascistas" (en "as", paezme tamién) y "matones de barrio" (con "o" tamién, qu'a la manzorga cuando se pon seria, escaécense-y los "-u" y les "-es").
¡Qué poco tiene que facer toos ellos! O, si lo prefieren, como nel títulu d'esti ensiertu; "El diañu..."
