San Silvestre (acutalización)

El mio tiempu, dende qu'empecé a andar -non a correr- fue de 34,35. Dende qu'empecé a andar quier decir que los primeros taben yá na ponte El Piles cuando pudimos entamar a mover los pies los que tábemos paraos. 

Cada añu que cuerro la San Silvestre hai un ratu que me dan ganes de nun volver. La verdá ye que caún va ellí a entretenese y anda como quier, pero nun hai quién circular hasta polo menos el kilómetru 3 y picu, casi hasta'l 3,5. Y ún nun va ganar nin munchu menos, pero présta-y dir al so pasu. Asina que, cuando un ve un furaquín ente un grupu, hai que ximielgase y dar un acelerón pa ganar malapenes un puestu, esto ye, una posición, a lo meyor solo 50 cm más alantre, y asina una vegada y otra, hasta que puedes dir al to ritmu, que nun fue, de verdá, hasta pasáu'l km. 4.

Más tarde vo actualizar y dar el tiempu oficial na meta.

Un abrazu y feliz añu.

(Por cierto, dime un sapiazu: raspié la rodía manzorga y nun sé cómo va andar la moñeca a la altura de la dea de la mano izquierda.)

ACTUALIZACIÓN: el mio tiempu oficial fue esti:

P.Gen	Dorsal	Nom.	Apell.	T.Oficial	T.Neto	Club	Localidad
2658	1867	XUAN XOSÉ	SÁNCHEZ VICENTE	00:35:33	00:00:00	---	XIXÓN

L'añu pasáu: 35,22

San Silvestre

Como nos últimos años, cuerro la San Silvestre (¿y la Piolín?) de Xixón.

A ver cómo lo fago. Como siempre, l'únicu enfotu llegar, anque güei doime cuenta de que tengo un sobreentrenamientu de dos díes seguíos, que nun sé cómo van llevar les pates.

Ehí me tenéis (a la manzorga, de mariellu, como les fueyes na seronda) aportando a la meta nel 2013.

Feliz añu a toos.

(Por cierto, la sidre brut -polo menos dalgunes-, meyor que'l cava: yo esti añu paséme a ello.)

San Silvestre

Como nos últimos años, cuerro la San Silvestre (¿y la Piolín?) de Xixón.

A ver cómo lo fago. Como siempre, l'únicu enfotu llegar, anque güei doime cuenta de que tengo un sobreentrenamientu de dos díes seguíos, que nun sé cómo van llevar les pates.

Ehí me tenéis (a la manzorga, de mariellu, como les fueyes na seronda) aportando a la meta nel 2013.

Feliz añu a toos.

(Por cierto, la sidre brut -polo menos dalgunes-, meyor que'l cava: yo esti añu paséme a ello.)

San Silvestre, Xixón

Güei vuelvo correr la San Silvestre de Xixón, la d'esti añu, naturalmente (nun se vaya pensar que cuerre ún con ventaxa corriendo una atrasada).

Cuerro col dorsal 1590. Dígolo como avisu, pa que nun hebia reclamaciones si atropello a daquién.

Na semeya, nel Xurásicu (mui propio) d'esti añu.

Feliz 2014 a toos y bona carrendera a los corredores.

San Silvestre, Xixón

Mañana vuelvo correr la San Silvestre de Xixón, la d'esti añu, naturalmente (nun se vaya pensar que cuerre ún con ventaxa corriendo una atrasada).

Cuerro col dorsal 1590. Dígolo como avisu, pa que nun hebia reclamaciones si atropello a daquién.

Na semeya, nel Xurásicu (mui propio) d'esti añu.

Feliz 2014 a toos y bona carrendera a los corredores.

San Silvestre, Xixón, 2013

Tengo yá'l dorsal (489), la camiseta y el chip, pero paezme que nun vo poder correr mañana, ¡colo que me presta siempre!. La razón: llevo dende'l viernes con una gripuca, febrícula (yá sabéis qu'agora e tou "febrícula", hasta que'l cuerpu tenga la temperatura del pitu asáu dientro'l fornu), dolores articulares y mui atrancáu, ensin amugar entovía la flema los bronquios. 

Asina que paezme que lo prudente va ser dexalo pa prau, anque, hasta mañana, nun pierdo les esperances. Vamos ver cómo me topo a primera hora. A lo meyor, alico, que pa eso toi tomando de too.

¡En fin, siéntolo!

San Silvestre

El prósimu 31 vo correr la San Silvestre de Xixón. A ver si, polo menos, llegó como l'añu pasáu. Yá-yos contaré.

Por cierto, cuerro col númeru 489.

Resultaos de la San Silvestre de Xixón

Dalgunos amigos y seguidores entrugárenme pola mio carrera na San Silvestre de Xixón. Llegué, por supuestu, y, anque nun fue brillante'l tiempu, nun tuvo mal. Téngase en cuenta qu'aporté'l 1728, d'ente 3000 (dalgún periódicu dixo 4000, pero nun creo) dorsales. Ehí ta, por si acasu, el resultáu oficial.

Por cierto, nun conseguí dala semeya de la mio carrera (nin paráu, nin dando a les pates). ¿Daquién, si la tien, será tan amable que me la faga llegar?

1722 2691 SERGIO ARANGO SUÁREZ PSM- 686 0:33:54 0:05:39 GIJÓN

1723 1800 ALBERTO RUIZ GARCIA PSM- 687 0:33:54 0:05:39

1724 1549 IVAN VARELA DIAZ VTM- 873 0:33:54 0:05:39

1725 1865 VICTOR VELAZQUEZ LOPEZ PSM- 688 0:33:55 0:05:40 GIJON

1726 1100 JAVIER GARCÍA RODRÍGUEZ VTM- 874 0:33:55 0:05:40 POZUELO DE ALARCÓN

1727 1639 MARCOS DURÁN DE LA FUENTE VTM- 875 0:33:55 0:05:40 SAN SEBASTIAN DE LOS REYES

1728 396 XUAN XOSÉ SÁNCHEZ VICENTE VTM- 876 0:33:56 0:05:40 XIXÓN

1729 1321 MIGUEL FERNÁNDEZ SCHMITZ VTM- 877 0:33:56 0:05:40 GIJÓN

1730 1014 JORGE MUÑIZ GARCÍA VTM- 879 0:33:57 0:05:40 GIJÓN

1731 1033 ENRIQUE GONZALEZ GONZALEZ VTM- 878 0:33:57 0:05:40 GIJON

1732 633 EDUARDO DIAZ SANCHEZ VTM- 880 0:33:58 0:05:40 GIJON

San Silvestre 2011, Xixón

- Na Carrera'l Xurásicu, esti añu -

Güei cuerro la San Silvestre en Xixón, 6 kilometrinos. Ye la primera vegada que la fago en Xíxón. Hai más de 3000 persones inscrites. Ayer tarde, a les cincu y pocu, cuando s'abrieren les talameres pa recoyer dorsal, chip y camiseta, entamaben llegar báramos de xente a Les Mestes.

Los mios oxetivos, como siempre, son modestos: llegar, nun aportar el caberu, nun facer un tiempu mui malu.

De cumplilo, cumplío.

Feliz añu, otra vegada, a toos.

San Silvestre 2011

- en Nueva (Llanes) -

Mañana cuerro la San Silvestre en Xixón, 6 kilometrinos. Ye la primera vegada que la fago en Xíxón. Hai más de 3000 persones inscrites. Esta tarde, a les cincu y pocu, cuando s'abrieren les talameres pa recoyer dorsal, chip y camiseta, entamaben llegar báramos de xente a Les Mestes.

San Silvestre Uviéu, 2010

Munchos amigos del blog y de facebook entrugábenme'l puestu nel qu'aporté a la meta na sansilvestre uvieína y otros datos. Dalgunos, más zuniegos, entrugábenme en coña si llegare. La verdá ye que, como nun se publicaren los datos hasta güei, nun lo sabía, porque, además, saliere antainando en cuantes llegué a la meta, ya que taba a puntu de ser güelu, pola tercera vegada, esi mesmu día 31 (y fuilo, efectivamente, a les 10,32).

Acabo agora mesmo de saber los datos y equí los copio:

182 XUAN XOSE,
TIEMPOS DE PASO DESDE DISPARO
Paso Puesto Marca Km/Hora Min/Km
Meta 1346 00:24:36 10,73 05:35.38

Por cierto, podía habelo fecho un poco meyor -sé facelo- pero los primeros venti o trenta metros d'Uría ficímoslos andando y prácticamente hasta la metada de Santa Susana, na primer vuelta, nun había forma d'adelantar más que faciendo piruetes.

En tou casu, un saludu a tolos sansilvestrinos, y, otra vegada, feliz 2011 a los veceros d'esti blog, a los de facebook, a tolos amigos y asturianos (qu'enxerta, nun fai falta decilo, a les asturianes).

San Silvestre d'Uviéu

Mañana cuerro la San Silvestre uvieína (4,5 km). El mio propósitu, como siempre, ye aportar a la meta de mena discreta (y vivu).

La carrera pa "xente mozo" (hai otres: p'alevines, pa infantiles, en patines) entama a les 18,30, sal de La Escandalera y apuerta a la Plaza la Catedral.

Si ná nun lo impide, perillí vamos andar.

Un saludu especial pa los calecorreyeros y un feliz 2011 pa toos.

Recorríu:

San Silvestre: La Villa

Corrí y llegué. Emplegué un tiempu total de 23 minutos pa 4.200 metros. Un rexistru de 5,28 por kilómetru, satisfactoriu.

Ehí dexo constancia de la presencia, con una semeya que saquemos l`Alcalde de la Villa y d`Unión Asturianista, don Manuel del Busto, que nos sacara Mariano, amigu y empleáu del Ayuntamientu maliayense.

Otra vegada: ¡Feliz añu!

San Silvestre en La Villa

Esta tarde (si'l tiempu y l'autoridá competente nun lo tornen) vo correr la San Silvestre de Villaviciosa. Espero acabala ensin problemes y corriendo corrientino (equí el lema, pa los aficionaos como yo, tien de ser el de "nun correr (munchu), que ye peor").

Como entovía nun tengo semeyes d'esta tarde (padezo una avería nel IDPET -inxeniu de desplazamientos pel espaciu-tiempu-), llanto equí una de la última carrera del Xurásicu, onde toi con Isidro Martínez Oblanca, Yolanda y Begoña.

¡Feliz y saludable 2010!