Garcines

Pilléles el domingu 19 de febreru, a hora temprana. Taben toes en prau, pastiando na contorna del güe. Por desgracia, en cuantes asomé'l focicu españalaren. Asina que nun tengo más semeya de la so presencia en suelu que la que guardo nel mio cerebru. Equí póngo-yos tres semeyes sucesives del so esñalíu, vuelu, espardimientu y alloñamientu.

El llugar, Duz, san Xuan de Duz.

Garcines en Morís (Güerres) (II)

Yá l'añu pasáu-yos comentara que la garcina pasa dos o tres meses na marina, y que pasa una gran parte'l día nos praos, aprovechando les riegues d'olín y les moñiques de vaques y burres (o caballos), aparte otres coses que puedan aprovechar. A vegaes formen báramos de más de trenta individuos (en dalguna semeya, onde ta incompleta la tropiella) llega a vese casi esi númeru.

Les semeyes, del 03/12/11, a les 14,04.

Garcines en Morís (Güerres) (I)

Yá l'añu pasáu-yos comentara que la garcina pasa dos o tres meses na marina, y que pasa una gran parte'l día nos praos, aprovechando les riegues d'olín y les moñiques de vaques y burres (o caballos), aparte otres coses que puedan aprovechar. A vegaes formen báramos de más de trenta individuos (en dalguna semeya, onde ta incompleta la tropiella) llega a vese casi esi númeru.

Les semeyes, del 03/12/11, a les 14,04.

Garces en El Piles

A pocos metros una d'otra. El 13/09/11, hacia les doce la mañana. El viernes 16 volvíen tar dambes nel mesmu sitiu. Sorráyolo pola escepcionalidá de la garcina cambarera -ardeola ralloides- (la más marrón, que paez una xibia vista dende enriba).

Por cierto, nun s'aprecia bien pero na semeya vertical la cambarera tien un pexucu na boca, acaba de pescalu.

Garcines y vaques

Como dixéremos nun ensiertu anterior. A les garcines gústa-yos andar acomuñaes coles vaques, siguiendo los sos escatafinos. Equí, vémolos, tamién en Güerres, pa Morís, ente vaques pintes.

Les semeyes, del 12/12/10, a les doce la mañana.

Garcines

Anden dende finales de payares repartíes ente la mar y la falda este de La Villeda. Suelen posar arrimaes, anque-yos gusta munchu andar ente les vaques, o onde estes o los caballos tuvieren. Equí vémosles al fondu'l prau.

Ye'l 19/12/2010, poco enantes del meyudía.