Garcina

Ye frecuente que les garcines -aves más paisaneres y munchu menos espantines que les garces, son casi tan dondes como los coríos- anden pel Piles. Esta que retrato taba ehí'l 14/10/10, hacia'l meyudía. Por ciertu, que la vi garrandu un par de pieces de rumia.

(Pela mesma zona tengo asistiáu un soleidu, que ye veceru d'ella.)

Petición d'ausiliu: ¿Qué páxaru será aquel?

Yá sé que nun se verá nada, pero pido ausiliu. Ayer, vienres 10, hacia les 6 de la tarde, na plaza'l Pryca, de Xixón, había tres páxaros como ésti. Paecen a primera vista ñerbatos o miruelles, pero nun lo son. Anque son de color prietu, nel pechu vése-yos los mesmos círculos que tienen los tordos, y la so capa ye llixeramente marrón, pero como si tuviese toa entafarrada de carbón, esto ye, intúyese'l marrón (y vense los círculos) embaxu'l prietu.

La semeya ta sacada dende'l coche, sobre la marcha, dempués de dar cuatro vueltes pa poder garrar más cerca a los tres páxaros y xuntos, pero nun fui pa ello.

Pídese ausiliu: ¿quién sabe qué triba de ñerbatos son estos?, ¿qué páxaru será aquel?, como diz la canción de Sinforiano de la Vega