Verbena hybrida

Verbena (Verbena hybrida), de la familia les verbenácees.

En La Miñota, Morís, Güerres, el 23-06-2014.

Ximnasia ente cimbalaria y verbena

Ehí, nesi muriu de la carretera onde la ilesia Duz, fago parte los mios exercicios de calentamientu (enantes de correr). Al pie d'eses dos cimbalarines, que tán ehí tol añu, y, neses feches de la xemeya (03/08/12), con esa verbena del mediu, que saliera como un mes enantes.

Verbena

Verbena, Verbena officinalis L., planta vivaz de tallos derechos, que desurden d'un rizoma oblicuu y aporten algamar un metru d'altura. Los tallos son tiesos y malapenes ásperos. En cada ñuedu ñacen dos fueyes enfrentaes; son allargaes, de forma ovalada y de bordes fondamente dividíos en llóbulos desigualmente dentaos.

Les flores formen una panícula na cabeza de los tallos y rames llaterales nes qu'estos se dividen no alto. Son flores piquinines, de collor azuláu o violáceu.

Crez en llugares incultos, bordes de caminos, praos estrapallaos, etc. Ye bayurosa n'Asturies. Florez de xunu a ochobre. Emplégase pa trestornos del fégadu, del reñaz y del bazu.