Equí ponemos esti impresionante poema dialogáu en seguidilles, l'autor del cualu ye Juan Menéndez Pidal. Ofrecemos la partitura que dan del mesmu Sara Illana Arias e Ismael Arias, nel so 99 cantares asturianos, emprentaos por La Nueva España y la Fundación Caja Rural de Asturias:
Esti ye´l testu:
—Aúlla un perru, madre,
xunto a la puerta,
cuando amaneza'l día
yá taré muerta.
—Si yá vas meyorando
nun digas eso.
—Madre mía del alma
deme otru besu.
—Tranque la puerta, madre,
Venga a esti llau,
que toi morriendo y quiero
da-y un recáu.
—Nun digas eso, nena,
cállate, fía.
—Madre mía, la muerte
Cuánto s’ansía.
—Quíteme los pendientes
que Xuan me diera,
que nun piense que, muerta,
bien lu quixera.
—Vístame de mortaya
la ropa toda,
la que diba poneme
pa la mió boda.
—Que vengan toles moces
menos Dolores,
que me dexen la caxa
enllena flores.
— Y si vien Xuan a veme
depués de muerta,
nun lu dexes que pase
per esa puerta.
Y esta, la partitura:
No hay comentarios:
Publicar un comentario