De xemes en cuandu la vida recompensa, de xemes en cuandu la xente nun solo ye agradecida, sinón que lo demuestra.
1. Va la muyer a una tienda a comprar unes cosuques de poques perres, pa la güerta. A la hora de cobrar la rapaza (hacia 40) diz-y: Nun ye nada, ¡cola de coses que tu ficiste por nós dende la asociacion de pás de la escuela!
Y ye que, efectivamente, Elena, que constituyó l'asociación nun solo fexo munches coses pola escuela, sinón poles families, pa les que tramitó, ayudes, buscó llibros, etc. A munches, además, fue ayudales a la propia casa, pa rellena-yos los papeles.
2. Y ello recuérdame que fai pocos meses paróme un vecín pa decime: "si'l barriu supiese lo que ficisteis por él, especialmente, la to muyer". Y referíase a lo de l'asociación y la escuela.
Y ye que, efectivamente, además de lo que toi contando, la muyer llogró, al través de munchos medios, de presiones, de relaciones y d'otres coses, que s'abriera una nueva escuela n'El Llano, desdoblando l'anterior cuando nun taba entá previsto. Yá sé qu'estes coses acaben llegando al final, pero nun ye lo mesmo facelo güei, fuera de planificación, que dientro cuatro o cinco años.
3. L'otru día tuviemos nuna gran superficie por un problema con un cacharru que compramos, que yá nos teníen arreglao delles vegaes. L'empleáu d'esi día, envede llimitase a volver mandar el cacharru a reparación, esforzóse pa que nos lu sustituyesen, esto ye, fizo más que cumplir col espediente. Agradecíos, regalamos-y un llibrín. La cara y les espresiones d'agradecimientu d'él yeren de ver. Seguramente, porque nun ye frecuente que los clientes reconozan y t'agradezan lo que faes por ellos. ¡Prestónos tanto que-y prestase tanto!
No hay comentarios:
Publicar un comentario