PESCADORES DEPORTIVOS. REXISTRU DE PESCA (orientativo)

REXISTRU DE PESCA. PESCADORES DEPORTIVOS 1. Tolos pescadores deportivos tán obligaos a rexistrar la so actividá pesquera. Han facelo a través del móvil, descargando l’aplicación PescaREC n’interné. 2. Entiéndese por deportivos los que lo faen dende la costa, embarcación o submariniando y tienen una llicencia de la Comunidá autónoma. 3. Si nun tienen móvil o’l so móvil nun tiene conexón a interné, tienen qu’encargar a otru qu’instale’l PescaREC nel so móvil y que faga él ellí los apuntes de lo pescao o lo non pescao pol pescador. 4. Los apuntes de lo pescao o nun atropao (devoluciones al mar) han facese nes 24 hores siguientes a l’actividá de pesca. Tamién si nun se pescó nada, nin atropao nin devuelto a la mar, nos casos señalaos nel puntu 7. 5. Les captures de cada actividá hai que notificales «per separtao», lo que significa que si un recreativu pesca pela mañana y pela tarde tien que facer dos declaraciones. Lo mesmo que si nel mesmo día llanza la caña dende la costa y dende un barcu, o si cambia de zona. Les zones pueden visualizase en PescaREC pinchando enriba’l mapa». 6. ¿Qué pexes hai que declarar? Solo aquellos que tán conteníos nesta tabla: Anexu II al Real Decretu 347/2011de 11 de marzu (https://www.boe.es/buscar/doc.php?id=BOE-A-2011-6099) y, actualizao, nel mesmu PescaREC. Vamos dicir que, en xeneral, palos pesquinos d’a pie nun hai restricciones nin pa cefalópodos nin pa pexes, esto ye, pue pescase tolo que se pue pescar dende tierra, con caña o cebu. Y, polo tanto, nun hai que facer declaración nin de lo pescao nin de lo non pescao. 7. Sí hai que declarar, pescao, devuelto, nin devuelto a la mar nin pescao, esto ye, l’actividá pa eses especies del Anexu II (especies sometíes a midíes de protección estremada/diferenciada): atún roxu, atún blancu, pexe espada, patudu, marlinos, aguyes, pexe vela, merluza, llobina, abadexu, llinguáu, bacaláu. Tamién les que tienen regulación pa profesionales: xarda, pexín, chicharru. 8. Pa la captura y suelta d’especies sometíes a midíes de protección estremada/diferenciada hai que solicitar una autorización específica. La llicencia tien una duración de tres años. 9. Por poner dellos exemplos de los más comunes de los que nun hai que declarar: calamares, pulpos, xibies, potarros, maragotes, fañeques, cóngaros, xulies… Pero hai que marcar tolos pescao, cortando parte de l’aleta caudal a los pexes o un ala a los calamares. 10. Les embarcaciones dende les que se llancen les cañes, particulares o d’alquiler, tienen que tar existraes n’aplicación PescaRec. En dambos casos, caún de los aficionaos embarcaos tien que facer de manera individual la so declaración. Nes llanches (canoes, diríen en Llastres) d’alquiler, el responsable va ser el so titular. 11. https://www.mapa.gob.es/dam/mapa/contenido/pesca/temas--nuevo/pesca-maritima-de-recreo/pecarec/instrucciones-de-uso-de-pescarec-v-1-05.pdf 12. https://www.boe.es/buscar/pdf/2011/BOE-A-2011-6099-consolidado.pdf