Alfredo Liñero: memoria

Alfredo Liñero Rivero: Memoria. Alfredo Liñero Rivero, además d'empresariu, fue un home enfotáu nel bien común y na democracia, por eso participó en candidatures municipales y militó en partíos como'l PSPA y el PAS, col que fue candidatu a l'alcaldía de Xixón. José Manuel Valdés Costales acaba de faceme llegar esta fueya volandera d'una candidatura municipal na que concurrió Alfredo a les elecciones municipales de Xixón, durante la dictadura. Ehí vos lo dexo. Préstame un montón, pol papel y pola memoria d'Alfredo.

Un llogru del PAS en Xixón y un par de gabites

Fue'l PAS l'únicu partíu asturianu en 72 años que reivindicó'l papel del Partíu Republicanu Federal como defensor de la nacionalidá asturiana y de l'autonomía del país. Fuimos tamién los únicos que "descubrimos" a don Isidro del Río Rodríguez (Tremañes, 1869), el primer alcalde de Xixón de la Segunda República, republicanu federal al que'l PSOE acabó echando de l'alcaldía por demócrata -l'alcalde, non el PSOE-.

Consecuentes con ello, feximos nel so día varios actos públicos en recuerdu de don Isidro del Río y presentamos nel Ayuntamientu varies mociones proponiendo la so reconocencia y que se-y diese nome a dalgún espaciu públicu xixonés.

Güei, por fin, l'Ayuntamientu xixonés acaba de reconocer el papel d'Isidro del Río na vida la nuestra ciudá, dando-y el so nome a un xardín na cai Puertu Vegarada.

Per otru llau, tanto'l PAS, personalmente, como yo, contribuimos a honrar prósimamente les cais de Xixón col nome de dos personaxes destacaos na vida ciudadana de los caberos años, l'industrial Alfredo Liñero Rivero y el mélicu-ciruxanu José Antón Magarzo.

Ellos hónrennos a nós y nós honrámonos cola so memoria.