La bestia humana

Esi ñiciu del nuestru raigón reptilianu, esi comportamientu de besties que desurde tantes vegaes y en tantes manifestaciones de la vida. Incluso en persones que podemos suponer educades y estudiaes, de clase meya o alta, con perres y con una ocupación que debería ser exemplar.

Asina Andrea Fabra, la fía de Carlos Fabra, col so "¡Que se jodan!" nel Congresu. ¡Qué más da que imprecase a los del PSOE o a los paraos! Lo execrable ye'l xestu, la so pasión, el so voceríu, la xestualidá del so cuerpu, y too ello, nel sitiu onde s'alluga, el Congresu, y represnetando lo que representa, los ciudadanos.

Lo peor ye eso, l'aprucimientu nella de la bestia humana, del anubrimientu del logos, de la pulsión reptiliana, de la bestia humana.

¡Esta Andrea Fabra!

Y como diría mio güela. "!Paez mentira pa ella, una rapaza tan curiosina y tan de bona familia! ¡Non si les más mosquines muertes son munches vegaes les peores!"