Memoria histórica: Agora, Masip como'l PP y Cascos

Memoria histórica. Otru que tal bailla: Antonio Masip Como Cascos, Rozada, Cherines, el PP, en xeneral. Mirái cómo na tramitación del Estatutu d'Autonomía proponía la cooficialidá, ¡y mirái cómo lo proponía! Y agora anda esprecetándose en contra:

¡Profundu paletismu: una calle a Trajani!

Estos fenómenos que gobiernen l'Ayuntamientu Xixón tienen la intención de proponer da-y a Trajani (el comisariu européu que ayudó a que nun emigrara Tenneco) una calle de Xixón. A Trajani hai qu'agradecer lo que-y hai qu'agradecer. Póngase-y una placa, mándese-y una tarta, dése-y una medalla, pero les calles d'una ciudá son fundamentalmente pa los de la ciudá o pa los prósimos, y, sobre too, nun son coyunturales: ¿quién se va alcordar de Trajani dientro un añu?

Esi paletismu va xuncíu, evidentemente a un pruyimientu electoral: creen que van sacar votos d'ello.

Un poco más de seriedá deberín tener estos rapazos de FORO, que paez que perdieren el norte.

Porque, en tou casu, y yá puestos no de Tenneco, ¿por qué nun pone-y calle a Masip, que fue'l que movió a Trajani, y pa enriba ye d'equí, bueno d'a 28 kilómetros d'equí?

Norabuena a los de Tenneco

A tola plantiya y a los sos representantes, y, cómo non, a dalgún vecín que, d'ente ellos tengo.

La norabuena a Tajani, y un daqué habrá qu'apuntar a los europarlamentarios asturianos y españoles, especialmente a Antonio Masip y Salvador Garriga.

Y, además, y frente a lo que pasa n'otros momentos y empreses, la mayoría la propaganda de la llucha taba fecha n'asturianu. Y, pesie a ello, entendiéronlos -hasta n'Europa- y ganaren. ¡Podíen abrir les oreyes y los güeyos otros munchos!