Morrió ayer Adolfo Barthe Aza, un paisanu integral -un "paisanu"-, un magníficu profesional, un políticu tolerante y dialogante.
Ente él y yo hubo siempre una corriente de simpatía. Ignoro los mios méritos pa con él, sí conozo los suyos pa comigo. Además de les cualidaes que digo enriba, plenes toes elles, yera una persona sociable y pereducada, siempre atentu a les últimes novedaes sociales y polítiques, y con un puntín d'ironía que yera'l puyu peronde asomaben la so intelixencia y la so personalidá.
Están él y les sos acciones na mio memoria, y van seguir tándolo nel recuerdu.
