Somos mui fáciles de manipular. Y, sobre ello, hai una llarga llista de "tontos útiles" dispuestos a facer rodar la bola y a regoletiase pel suelu cola ilusión d'una fantasía.
Manipulárennos colos "rebeldes" de Libia. Y, dempués, nuna ñude d'ilusión fata tolo mundu corrió a falar de "la primavera árabe", en Túnez, n'Exiptu, n'otros llugares menores.¿Recuerden? Al tavés de facebook y de los píos diben venir la modernidá, la llibertá y la lliberación de les muyeres.
Pero, según yá señalara d'aquella, con bones intenciones nun se faen les revoluciones y, en tou casu, les revoluciones failes el que quier, nun el que puede. De mou y manera que, dempués de toos aquellos rapazos na calle, los que se ficieren col control y los votos fueren los islamistes. Y la llei que se llantó la saria, y les muyeres, al velu y a casa.
Y, equí, n'occidente, yá se sabe, coles ganes que tenemos de creer nos milagros y na maxa (anque ninguna d'esforzanos en conseguir soluciones), encantaos con aquelles "revoluciones", que, pa encima, yeren per interné o con interné.
En fin, que munchu se reirán de nós los islamistes.
