Cuentos de llingua afilada

Cuentos de llingua afilada Póngo-yos equí un resume del primer llibru de cuentos de mio, Cuentos de llingua afilada. Anteriormente y de recién, fice lo mesmo col segundu llibru d'esa mena, Lluna llena, y col terceru, Como yéramos. De cuentos de llingua afilada asoleyé'l l'antoxana mecanografiada, y correxida a mano, que fexo Juan Cueto Alas, en dos entregues (https://xuanxose.blogspot.com/search?updated-max=2026-07-18T13:56:00%2B02:00&max-results=10). Tamién equí, en Facebook, n'Instagram y Linkedin. Agora lo qu'asoleyo, como digo, son unos apuntes sobre'l llibru. CUENTOS DE LLINGUA AFILADA Resume del llibru y un par d’anotaciones sobre les sos narraciones y la escritura. Cuentos de llinga afilada, Academia de la Llingua asturiana, coll. Llibrería Académica, númberu 1, Xixón, 1984. Antoxana de Juan Cueto y nueve cuentos, Quosque tandem, El piescador, Maruxa, El comuñeru, El gufón (cuentu infantil), Nes esñales de les palombes, Favila, Agora sí, agora…, Colás. Quosque tandem (fys.14-22). De viaxe a Madrid, el conseyeru del Gobiernu asturianu don Arturo Gutiérrez de Terán y Menéndez Castañedo sufre un secuestru. Mentestantu el númberu la Policía Nacional, Agapito García Tielve, que sospecha de la so muyer, síguela. Al final, va producise l’alcuentru ente los dos protagonistes. El testu ta enfarxopetáu d’ironía, tanto na trama y nes circunstancies de los personaxes, como en dellos apuntes de la narración, la descripción y la burocracia alministrativa. El piescador (fys. 23-28). Un diálogu d’un pesquín con un interlocutor anónimu, contándo-y qué tribes de pesca hai y qué aperios. Va tiempu que nun hai pesca, pero él vuelve tolos díes, non solo por si acasu, sinón pa enseñar y recordar. Maruxa (fys. 29-45). El protagonista, una voz, entama un llargu diálogu con Maruxa, recordando la so vida, les sos aspiraciones a tener una casa nel campu onde pudiesen tener daqué animales o cultivar. La protagonista central ye la muyer del dialogante, Maruxa. El comuñeru (fys. 47-61). 23 d’abril de 1521. D’esmenu entama trapacer en plenu día. Antón de la Granda, comuñeru que lleva’l ganáu d’otros, ve escurecer y, d’esmenu, ve llegar los llobos. Con sudu y dificultá, col mal pasu de la so coxera, empobina pal pueblu y pa la casa’l patrón, don Suero, pal librase de los llobos y la so llercia. Al aportar… El gufón (cuentu infantil) (fys. 63-74). Dos ñeños, Llin y Xanu, hermanos, saben les llingües de los animales y de les plantes, pero non les del gufón. Tán, ensin embargu, enfotaos en falar con él. Nes esñales de les palombes (fys. 75-84). Les histories familiares y amorosos d’un solterón, Lluis, que paez que, por fin, va poder xuncir. Favila (fys. 85-91). La muerte del rei Favila nes manes del osu, por dir buscalu, y el llantu y les maldiciones de Gaudiosa por ello. Agora sí, agora… (fys. 93-99). El monólogu continuáu d’una muyer recordando un roíu que yá venía sintiendo de muncho atrás, de moza, de recién casada, allá en Cofiñu. Colás (fys. 101-107). La memoria de Colás el madreñeru y la so vida nel so pueblu muncho después de morrer. Les rocaes d’Antón (fys. 109-117). Antón d’Ovín de Priandi, ganaderu y tasista. Pintorescu personaxe que-y gusta entretener a los ñeños y que divide al pueblu ente los que lu aprecien y los que piensen que ta chifláu. Son tantes les sos histories que, cuando cuenta la verdá, nun-y la creen. Delles observaciones: Temática, mundu, cadarma narrativa. Son variaos, ricos y creativos. En daqué midida reflexen el mundu d’aquellos años, pero, amás d’ello, tienen un calter xeneral, non arreyáu a aquella dómina. L’humor y la ironía apaecen en munchos de los cuentos, de forma bultable. Dalgunos son terroríficos, otros fantásticos. Llingua: Ortografía preacadémica, con delles soluciones estremaes d’esta. Nótase tamién la influencia del oriental (l’autor vivió y trabayó en Piloña cinco años, veraneó en Güerres, décades). Valoración: Los cuentos son bonos, na cadarma narrativa, nel mundu descritu o na psicoloxía de los personaxes, la emoción o el misteriu. Hailos especialmente duros, pola situación personal de los personaxes o pol mundu descritu; hailos tamién emocionantes positivamente. L’antoxana de Juan Cueto, de la qu’asoleyé’l testu mecanografiáu orixinal nel mio blog (el blog de xuanxose) y en Facebook, ye perinteresante, nun solo por sentir les palabres del intelectual que fue Juan, sinón por plantease la cuestión del asturianu dende’l debate d’aquellos años y la so perspectiva escéptica.

Juan Cueto Alas y Cuentos de llingua afilada (y II)

JUAN CUETO ALAS Y CUENTOS DE LLINGUA AFILADA L’añu 1984 asoleyábase el mio conxuntu de narraciones curties Cuentos de llingua afilada, yera’l númberu 1 de la colección Llibrería Académica, qu’edita l’Academia de la Llingua Asturiana. El llibru abríase con un prólogu o antoxana de Juan Cueto Alas. Dientro unos díes resumiré, como acabo de facer con Lluna llena y Como yéramos, los cuentos del llibru. Agora lo que quiero asoleyar ye’l Prólogu de Juan Cueto Alas, escritu a máquina y con correcciones a mano, lo que tien la so gracia pensando en que Juan Cueto diba ser l’apóstol y el ximielgador de les nueves tecnoloxíes, dixitales y audiovisuales. El conteníu d’eses páxines prologales, francu, asoleya munches de les duldes y rocees que tenía una parte la sociedá asturiana culta al respective de la normalización y modernización del asturianu. Pero nun ye eso pa lo qu’agora saco a la lluz estes páxines. Fágolo como un recuerdu y un homenaxe a Juan Cueto Alas, a la so xenerosidá, al so humor, a la so intelixencia, a la so capacidá de diálogo, a la so bonhomía, a la simpatía que despertaba y l’afectu que llegamos a tener dende orielles distintes d’el Piles (Juan vivía en Villa Ketty, a la otra oriella del Piles). Que sirvan tamién d’homenaxe y memoria de la so muyer, Rosa González Fernández-Corugedo. La semeya, d'Ana Mu

ller Lasa.

(Por ciertu, pa mayor facilidá, fago la publicación en dos entregues. Esta ye la segunda).

Juan Cueto Alas y Cuentos de llingua afilada

JUAN CUETO ALAS Y CUENTOS DE LLINGUA AFILADA L’añu 1984 asoleyábase el mio conxuntu de narraciones curties Cuentos de llingua afilada, yera’l númberu 1 de la colección Llibrería Académica, qu’edita l’Academia de la Llingua Asturiana. El llibru abríase con un prólogu o antoxana de Juan Cueto Alas. Dientro unos díes resumiré, como acabo de facer con Lluna llena y Como yéramos, los cuentos del llibru. Agora lo que quiero asoleyar ye’l Prólogu de Juan Cueto Alas, escritu a máquina y con correcciones a mano, lo que tien la so gracia pensando en que Juan Cueto diba ser l’apóstol y el ximielgador de les nueves tecnoloxíes, dixitales y audiovisuales. El conteníu d’eses páxines prologales, francu, asoleya munches de les duldes y rocees que tenía una parte la sociedá asturiana culta al respective de la normalización y modernización del asturianu. Pero nun ye eso pa lo qu’agora saco a la lluz estes páxines. Fágolo como un recuerdu y un homenaxe a Juan Cueto Alas, a la so xenerosidá, al so humor, a la so intelixencia, a la so capacidá de diálogo, a la so bonhomía, a la simpatía que despertaba y l’afectu que llegamos a tener dende orielles distintes d’el Piles (Juan vivía en Villa Ketty, a la otra oriella del Piles). Que sirvan tamién d’homenaxe y memoria de la so muyer, Rosa González Fernández-Corugedo. (Por ciertu, pa mayor facilidá, fago la publicación en dos entregues).

N'homenaxe a Juan Cueto Alas

En reconocencia a la so persona y llabor.

Como pésame a la so familia.