¡Natalia Rodríguez, campeona!

Yà pronosticáremos equí los previsibles ésitos nel campeonatu del mundu de Berlín de Natalia Rodríguez y de Nuria Fernández. Y asina fue, llegaren, respectivamente primera y quinta nos 1500 femeninos.
Al respective de la discutible descalificación posterior del nuestru oru, el de Natalia Rodríguez, nun hai más qu`una cosa que deci-y a ella: ¡Apuxa y pa enriba! Mírate en Marta Domínguez dempués de la caída y a ganar nos prósimos mítines y campeonatos.
Otra cosa más: !Qué mierdina somos, en xeneral, n`España! Envede defender a la nuestra campeona, paez qu`agora ye ella la culpable de daqué cosa! Pa qué poco val la federación y que xente somos toos en xeneral.
Finalmente, y al respective del ganáu que nel estadiu acorvió a Nuria: ¿si la emburriada hubiere sío Nuria y la emburriadora la prieta Burka tendríen acorviao y abucheao?

A ver si va ser qu`agora vamos inventamos un racismu al revés pa escontra nosotros mismos.

Marta, Natalia y Nuria: ¡Almiratibles!

A Marta Domínguez súmense-y nestos mundiales d`atletismu dos muyeres tamién almiratibles: Natalia Rodríguez y Nuria Fernández, que lleven tiempu teniendo una magnífica presencia nos 1500 nel ámbitu olímpicu y mundial.

Pue bien, non sólo ocurre eso, sinón que, además, fai un añu pararen la so carrera profesional pa tener sendos fíos, Guadalupe y Candela, respectivamente. Porque entendíen que les sos vides, ensin esi complementu humanu, taben incompletes. Y agora, vueltes a la competición, descubren que cuerren meyor y tán más madures como profesionales y como persones.

Ehí ta un exemplu perfechu de persones, de ciudadanes y de deportistes. Sólo queda -al mesmu tiempu que se-yos deseen grandes ésitos, como a la otra competidora española, Iris Fernández- que nun les decubran Zapatero, la Vicepresidenta y tou esi feminismu amargáu y de focicu torcíu que piensa que`l progresismu ye incompatible cola vida normal y cola vida personal plena.

¡A ver si saquen una llei pa prohibí-yoslo la secta de los misántropos (y misántropes, que diríen ellos, cuando, en realidá, deberíen decir "misóxinos").

Marta, Natalia y Nuria: ¡Almiratibles!

Dende fai años, especialmente dende l`añu pasáu, venía apostando por Marta Domínguez y, perespecialmente, almirándola.

Esa constancia suya, esi esbrexu permanente, esa discreción nos trunfos y ánimu nes derrotes facíen que clisase delantre la so persona, sobre tou, porque, además, lo suyo nun yera tar por tar: tenía ésitos bultables. Y tou ello, pa enriba, dientru d`una figura con dos virtudes: la evidente pa toos, la so figura y color de pelu; la menos evidente pa munchos, el so calter castellanu, silenciosu, sufridor, trabayador, delidiador. Y, además, con esi tonu de voz, con esi cantar, que recuerda tanto la de los celtes, esto ye, la de la parte centru-oriental d´España: Palencia, Soria, Aragón.

Nel caberu añu Marta dionos, sobre tou, una nueva satisfación: decidió dexar los 5000, onde tenía acollechao tolos ésitos mundiales y del mundu, y pasase a los 3000 obstáculos. Toos pueden recordar, per otru llau, cómo con carencies técniques, falló nos últimos 300 metros, zapicando nel últimu obstáculu cuando diba ente les tres primeres. Zapicó y cayó. Pero llevantóse y nun lloró; nun echó la culpa al mundu, nin al cambiu climáticu, nin siquier al PAS. Dedicóse a meyorar la so técnica y a trabayar.

Y ehí ta: campeona del mundu.

Noragüena, Marta. ¡Gracies, Marta!