Homenaxe a y remembranza de Quini

Aparte de conocemos de la vida pública, coincidí con él nesta ocasión, en Güerres, cuando se-y entregó'l I Oriciu / Arcín Honoríficu, como reconocencia de la so trayectoria y homenaxe a la so persona. Fue'l 09/02/14, con motivu del I Festival del Oriciu de Güerres.

Enrique Castro, na memoria pola to persona y na señardá pola to ausencia.

Con Quini, José Antonio Fidalgo, cronista Colunga,y Javier López, ún de los revolvinos de l'Asociación de Vecinos

La escultura/galardón, d'Urrusti

Quini: I Oriciu/Arcín d'Honor en Güerres

El domingu 9, Güerres honró a Enrique de Castro González, Quini, col I Oriciu (o arcín, como se prefier en Güerres y gran parte l'oriente) d'Honor. Fízolo non solo polos sos méritos futbolísticos, sinón polos personales, especialmente pola so capacidá de sobreponese a les desgracies, y poles simbóliques, porque proyectó a Asturies nel mapa d'España. En daqué medía, el deséu fue que la figura de Quini sirviere d'afalamientu a los vecinos de Güerres pa poner a Güerres nel mapa d'Asturies y de les comunidaes vecines y pa que sirviere d'amenu a los mesmos vecinos pa poder reblagar per riba deificultaes y pilancos.

Nes semeyes, Enrique de Castro González, José Antonio Fidalgo, escritor y cronista de Colunga, Javier López, responsable y animador llocal de les fiestes y Xuan Xosé. Nuna semeya, cola escultura d'Urrusti, galardón entregáu al futbolista; na otra, col pañuelu l'eventu.