 |
| Semeya tomada de La Nueva España |
A petición de los fenómenos d'equí, encabezaos, supongo, por Mercedes Fernández, los cabezaleros del PP d'España, pónense a falar contra l'asturianu:
"La cúpula nacional del PP -diz LA NUEVA ESPAÑA- critica el uso del asturiano "como elemento excluyente".¿Y?
¡Coño, yo tamién!
Y sal el portavoz del PP nel Congresu, Rafael Hernando, y llamenta que dalgunos "estén impulsando el asturiano "como un elemento diferenciador y excluyente".
Pero esti... ¿de ónde saca esa babayada? ¿Qué sabe él del tema? ¿Quién son esos "dalgunos"?
Y, polo visto na noticia, too eso na presencia y col apoyu de Núñez Feijoo, el presidente de la Xunta vecina.
¡Pero, Feijoo! Vosotros que fuisteis los que normalizasteis el gallegu na alministración, na enseñanza, na televisión, na universidá, na sociedá gallega en xeneral..., ¿el vuestru ye un gallegu diferenciador y excluyente?
¿Nun tienen vergoña? ¿Cómo falen de lo que nun saben? ¿Cómo puen negase a que los otros fagan lo qu'ellos faen cola so llingua? ¿Cómo puen decir tantes babayaes?
