En recuerdu y memoria de Ricardo Fernández

Acaba de fallecer Ricardo Fernández, que fue alcalde d'Avilés y diputáu provincial (el segundu d'Agustín Antuña, el Presidente la última Diputación Provincial (1979-1983)), allá na Transición, y formando parte del ente conxuntu preautonómicu.

Recuerdo d'él el so talante, el so espíritu constructivu, el so diálogu y entendimientu permanente, la so bonhomía, el so buenhumor. Fue persona qu'aportó muncho pa la normalización política y pa la meyora social y cultural d'Asturies y d'Avilés

Honréme col so tratu y hónrome recordándolu.

Semeya de Julián Rus en LNE

El sucesu históricu más importante

D'estos cuarenta años fue, seguramente, la puesta en marcha de la Y, la pieza fundamental de la economía y la vida social asturiana.

Un informe ampliu de la so constucción y característiques pue vese nel enllace d'enriba.

Una imaxen de la inauguración tomada de La Nueva España.

El que corta ye'l ministru Antonio Valdes González-Roldán. Por ciertu, ehí a la derecha paezme ver a un empresariu del tresporte, Ricardo Fernández Suárez, que fue conceyal d'Avilés y diputáu provincial pola UCD, y col que guardo bona relación.

Por cierto, una cuestión pa la meditación: ¿atreveríase güei un ministru (asturianu o non; del gobiernu central o autonómicu) a cortar una cinta arrodiáu de moces ataviaes d'asturianes? ¿Avanzamos, entós, o vamos p'atrás?