Mostrando entradas con la etiqueta Sporting. Mostrar todas las entradas

Baraja espera dir a peor

"No hay que ser tremendista, no hemos tocado fondo", aclara l'entrenador del Sporting dempués del desastre contra'l Rayo Majadahonda.

O sea que piensa dir más embaxu entovía. ¡Bien!

A nun ser qu'esti sea un fenómenu de la retórica, como la ministra Demóstenes-Celaá. Pues si ye asina, que lu pongan de ministru. ¡Total, munchu nun díbamos perder!

El Pitu tien que machar porque nun val. Va pa l'Alavés y l'Alavés pa enriba. Rubi nun val, va pa Huesca y lo mesmo.

¿Ónde ta'l problema? Non, nun val cha-yos la culpa a los que manden. L'únicu problema ye'l de los que nun cuerren y que-yos importa un pitu l'equipu y l'afición.

Sporting: Douglas y Domínguez

0 comentarios

Nun veo casi'l fútbol. El primer día que vi a Douglas diez minutos díxeme: ¿quién dixo qu'esti yera defensa? -yá lo punxe en daqué post- y alcordeme nun de Mariana (como Pachín cuando fue pa la siega), sinón de Domínguez, aquel otru futbolista, creo que "defensa" tamién, que ficho'l Sporting y que, cuando lu vieron xugar -pémeque de defensa tamién-, quitárenlu llueu. Dempués andaben diciendo que yera ciclista, nun futbolista, y que lu tracamundiaren con otru de nome igual.

Güei, en La Nueva España: Piadoso Rubi

0 comentarios

(Trescribo, como davezu, los primeros párrafos)
L'aprecederu

Piadoso Rubi

El carácter profético de la prohibición de acceso al vestuario al animoso misionero e hincha Fueyo

Xuan Xosé Sánchez Vicente 13.02.2017 | 03:36

Piadoso Rubi

La ciudad de Xixón, y especialmente la parroquia sportinguista, anda perpleja. La primera decisión del nuevo entrenador del club ha sido prohibir la entrada en el vestuario al animoso misionero e hincha Fernando Fueyo, párroco de San Nicolás de Bari, quien rezaba con y ante los jugadores al comienzo de cada partido con el fin de que los Cielos fuesen propicios al equipo.

Acaso algunos se alegrarán, otros andarán suspensos, y la mayoría desconocerán las razones del nuevo entrenador, Rubi de nomatu. Tengo para mí que no lo ha hecho por motivos anticlericales o de agnosticismo, sino de piedad. Habrá visto nada más llegar el estado comatoso del equipo, y habrá pensado que, en esa situación, la impetración de don Fernando estaba destinada al fracaso, con lo que ponía en cuestión bien el poder de aquel a quien se dirigían las oraciones, bien al propio don Fernando como mediador.

[..............................................................................................................................................]

Güei, en LNE: Abelardo, ¡un santu!

0 comentarios

(Trescribo, como davezu, los primeros párrafos)

Abelardo, ¡un santu!

L'entrenador del Sporting fizo un milagru al renunciar a les perres del contratu

Xuan Xosé Sánchez Vicente 06.02.2017 | 03:34

Abelardo, ¡un santu!

A lo llargo la mio vida topé con dellos xugadores del Sporting. Herrero II, col que xugábamos al hípico saltando obstáculos nun solar que facía esquina ente les xixoneses San Xosé y Hermanos Fresno -supongo, naturalmente que'l futuru deportista ganaría siempre-; Rafael del Riego, compañeru d'estudios y amigu ocasional; Javier Manjarín, escolín nuna época en que se puso de moda xugar colos diccionarios de castellanu a manera de porteríes nes aules, mentantu llegaba'l profesor; Juan Muñiz, tamién escolín. Estos dos últimos, nel IES El Piles.

Con Abelardo Fernández coincidí nel IES de Roces, según me contara él un día, anque nun sé si-y di clase o si solo tábamos los dos al mismu tiempu. ¿Por qué lu llamo "santu"? ¡Home!, podía ser porque fizo un milagru paecíu a aquel de san Vicente Ferrer, cuando, diendo con priesa, vio caer a un albañil y díxo-y: "Tate quietu ehí hasta que vuelva". Y l'albañil tuvo ensin caer hasta la vuelta'l santu. Pues, de momentu, Abelardo caltuvo nel aire al Sporting dos años, ensin que llegase a caer, que p'allá diba.

[........................................................................................................................................]

Y esto entá nun lo vi yo:

0 comentarios

ASTURIES 0, MADRID 2

Esi fue l'otru resultáu, por autonomíes. Claro que, equí, los tantos mándente a segunda.

¡NORABONA! y ¡PUXA!

0 comentarios

A los xugadores del Sporting, al cuerpu técnicu (especialmente a Abelardo y Gerardo, colos que me relacioné, de formes distintes, na enseñanza), a l'afición. A Xixón enteru, que gana cola permanencia, y, cómo non, a Asturies, que tamién gana y onde hai tantos esportinguistes.