Sobre La muerte amiya... y Azurriángamelamelonga

El sábadu 8 d'ochobre, fixéreneme en Pieces (na RTPA) una entrevista dividida en dos partes nel mesmu programa.

To dar les gracies a la entrevistadora, Vanesa Gutiérrez, y a la empobinadora, Vera Robert Ramos.

Si quieren ver la entrevista, llarga, como digo, estremada en dos partes (minutu 02:08 y minutu 21:58), y compartida con otros creadores, pueden pinchar equí o dir a: PIECES na RTPA del 08/10/2011

Homenaxe a Mánfer de la Llera

En Grau, na preciosa capiella Los Dolores. Con presencia d'autoridaes, del críticu y escritor Leopoldo Sánchez Torre y de dos de los fíos de Mánfer de la Llera hubo un homenaxe al autor al qu'está dedicada esta 32 Selmana de les Lletres Asturianes.

Participamos Ana Vanesa Gutiérrez, Xuan Bello y yo mesmu, cola llectura de poemes de Mánfer y otros, de nós.

Na semeya, del 05/05/11, tres momentos.