Asturies ye la comunidá autónoma onde más subieren los alquileres nel 2010. Ehí tenemos otru fracasu del gobiernu Zapetero y del gobiernu PSOE-IU. Nuna situación como la nuestra, cada vegada con más paru, con cada vegada más mozos emigrando fuera o quedándose en casa los pas por falta trabayu, ello quier decir dos coses. La primera, que nun esiste mercáu d’alquiler porque les garantíes pal alquilador siguen siendo insuficientes pese a los organismos de ficción que crea’l PSOE y a les modificaciones na llexislación. La segunda, que les medíes de subvención pal alquiler de los ayuntamientos y del gobiernu asturianu lo que tán faciendo ye que suba’l preciu los alquileres na cuantía mesma subvencionada a los beneficiarios de les ayudes, colo cualo lo que se consigue ye l’encarecimientu del mercáu, eso sí, a costa del dineru de toos. Y toos nun son los ricos y los multimillonarios (masque sean socialistes), sino los miles de trabayadores que por mil euros al mes y abondo menos dexen el sudor y l’humor nel puestu de trabayu. 
