Quéxense tolos espositores: hai un númeru non pequeñu de ciudadanos que pasen pelos puestos onde s'esponen hortalices y flores y arramplen colo que-yos dala gana. Faenlo cuando tán delantre los espositores, y más nes hores que nun hai naide.
 |
| Una del garrapiellu de calabaces premiaes n'Agropec |
Toa esta xente cree que lo que ta a la vista ye d'ellos y tienen derechu pa llevalo. Naturalmente, pa lo suyo tienen otra consideración.
Simplemente, estes conductes nun son más que lladroniciu. Y con eso, cola realidá d'esa xente y mentalidaes, ye colo qu'hai que contar si se quier actuar en sociedá y en política, y el que nun lo vea o nun quiera velo o ta tochu o engáñase pa engañar.
Y de xuru, la mayoría d'esos que se dediquen al lladroniciu pasen la vida esprecetando contra los políticos y llamándolos a toos lladrones.
El pueblu, la exemplar ciudadanía a la que siempre s'afalaga.
