La Ilesia de Santiso'l Real, que ta a escasos metros de la catedral, ye de la dómina del nuestru rei Alfonso II el Castu (sieglu IX), y de la construcción orixinal queda la fachada de la semeya.
La Ilesia formaría parte de les construcciones (ilesies, palacios, la Catedral y muria defensiva) entamaes pa llevar la capitalidá del reinu a Uviéu al entamu del reináu d'Alfonso II (añu 791).
Ta catalogada como Bien d'Interés Cultural, cola categoría de Monumentu, dende l'añu 1931, y dende entós figura en tolos llaos como Monumentu Hestóricu Artísticu.
Agora, a la vista del tool mundu, cueyan unes parafuses, martiellos, y torniellos. Y con muncho respetu y sensibilidá...
 | |||
| semeya de Jesús Díaz pa El Comercio |
 |
| semeya de Luisma Murias pa La Nueva España |
Agora Ayuntamientu Uviéu, Ayuntamientu Xixón y Gobiernu Asturianu yá tán al empar (empaten colo de La Campa Torres) y pueden gritar: "Cultura ye barbarie, ¡yeahh!".
Nun ye pa naide un secretu'l que l'arte asturianu (como denomara con intelixencia y razón Xovellanos al llamáu "prerrománicu"), esa antorcha de la humanidá y testimoniu del gran milagru del pequeñu estáu d'Asturies o Reinu asturianu, ta mal atendío poles autoridaes (des)gobernantes.
El discursu del PP al respective ye que los monumentos del arte asturianu nun s'atienden porque tán n'Uviéu y n'Uviéu gana siempre'l PP. Esi desdexamientu, pues, sería parte d'un procesu xeneral: el cercu a Uviéu.
Tán enquivocaos nel PP y dicen babayaes cuando dicen eso. En primer llugar, porque nun hai sólo xoyes del arte asturianu n'Uviéu, hailos en más partes d'Asturies y tán toos igual de poco curiaos. En segundu llugar porque nun ye la clave la ciudá carbayona nin los sos votantes. Si los monumentos del arte asturianu tienen un tratu roín ye por tres razones: 