Salguerina / Salicaria

Salguerina / Salicaria

En La Cruz, El Foyu, Güerres.

El 31 de xunetu de 2017.

Esta ye una semeya d'una salicaria (Lythrum salicaria L.). Perabondosa en praos y orielles de los caminos, entama agora un poco, col mes d'agostu, el so amiyamientu.

El so nome alude al color de les flores, "lythron", ´sangre`, en griegu.

Ye una planta vivaz que remocica los sos tallos tolos años. Les fueyes nun tienen pecíolu y suelen nacer enfrentaes, casi siempre de dos en dos, y, a vegaes, de tres en tres. No alto, son llanceolaes, llargues y estrenches; les de la base, acorazonaes.

Les flores, como se ve, formen una espiga llarga na parte superior.

Úsense les flores, recoyíes cuandu nun tean abiertes del tou, como astrinxente, contra la foria.

Salguerina (salicaria)

Plantes de salicaria (Litrum salicaria L, de la familia de les Litrácees). El so nome fai referencia al color de les flores, que ye como'l de la sangre (griegu "lythron").

Tien usu astrinxente na melecina popular.

La semeya, en Llué, el 21/07/13. Esti añu, onde too paez que va retrasao cai un mes, entovía nun entamaren estes a perder el so puxu y la so belleza encarnada. En dalgunes partes, yá sí.

Salicaria (salguerina)

Dos plantes distintes de salicaria (Litrum salicaria L, de la familia de les Litrácees). El so nome fai referencia al color de les flores, que ye como'l de la sangre (griegu "lythron").

Tien usu astrinxente na melecina popular.

Pasáu mayu, les flores munches flores van perdiendo yá'l so puxu. La primera de les dos salicaries ta yá nesi procesu, la segunda entá caltién la espiga nel so másimu espoxigue.

Les semeyes, del 10/09/11. Lluces, Colunga.

Colunga (Lluces), salicaria (II)

Doi equí dos nueves semeyes de salicaria, más curioses que les del ensiertu del 18/08/10.

Pa los curiosos, los datos, ellí.

Tán sacaes en Lluces, el 20/08/10.

flores: salicaria

Esta ye una semeya d'un grupu de salicaries (Lythrum salicaria L.). Perabondosa en praos y orielles de los caminos, entama agora un poco, col mes d'agostu, el so amiyamientu.

El so nome alude al color de les flores, "lythron", ´sangre`, en griegu.

Ye una planta vivaz que remocica los sos tallos tolos años. Les fueyes nun tienen pecíolu y suelen nacer enfrentaes, casi siempre de dos en dos, y, a vegaes, de tres en tres. No alto, son llanceolaes, llargues y estrenches; les de la base, acorazonaes.

Les flores, como se ve, formen una espiga llarga na parte superior.

Úsense les flores, recoyíes cuandu nun tean abiertes del tou, como astrinxente, contra la foria.

Llanto equí dos semeyes del 15/08/10, festividá la Virxen de l'Asunción.