Estos díes corrota perihí un informe d'Eurostat que señala que'l 31 % los trabayadores españoles tienen un nivel superior de formación del que se requier pal empléu que desendolquen. Eso pasa en toes partes (Irlanda (29%) y Chipre (27%)). Pero nun crean que son los probes, más atrasaos o endeudaos (República Checa y Eslovenia (7%)). La media europea de sobrecalificaciones nel trabayu ye del 19% y España ye'l país con mayor tasa.
Y agora vamos reflesionar: somos un de los países con mayor fracasu escolar del mundu (más del 30%), y de la xente qu'acaba los estudios más del 31% tienen preparación que desbarba pa lo que faen.
¿Nun-yos paez que lo tamos faciendo permal, tirando les perres, perdiendo'l tiempu, desmoralizando a la xente y desaprovechando l'esfuerzu? ¿Sí? Pues agora entrúguense quién gobierna'l país y a quién se vota.
