Mándolos a un arreyu de la Vanguardia pa ver un chiste hestóricu: la pretensión (o'l cuentu de decilo y non facelo, como tantes coses, que vamos velo) de poner un techu de gastu a les autonomíes. Recuerden qu'una de les primeres medíes que tomó'l PSOE cuando llegó Zapatero al poder fue esaniciar esi techu de gastu, que yá esistía y que lu punxera'l PP (nun yera bonu porque lu punxera'l PP, sinón porque ye razonable). Si vustedes van a les biblioteques verán lo que dixeren d'esa llimitación toos, el PSOE, IU (Llamazares, como siempre, tuvo peractivu en decir eses xenialidaes qu'él diz con esa cara tan seria), CiU, PNV..., lo de menos que yera un dañu pa les comunidaes, lo de más, que yera una medía "fascista". ¡Pues ná, agora a volver a ello!Se aprobará una regla de techo de gasto para las autonomías (La Vanguardia)
