IU advierte al PSOE de que no entrará en un Gobierno que asuma recortes

Un día d'estos atrás Jesús Iglesias afirmó que "nun va entrar nun gobiernu que recorte" o que "se someta a les esixencies de los mercaos".

Como si, hasta agora nun viniesen siendo los palanganeros del PSOE nos ayuntamientos, nes diputaciones y nos gobiernos autonómicos, con recortes y ensin recortes.

Como si ellos nun fuesen parte importante del despilfarru económicu hasta agora.

¡Y lo de "nun sometese a les esixencies de los mercaos"? ¡Como si fuesen a poner les perres pa les pensiones, los paraos -del so bolsu-, la sanidá, los empleaos públicos Jesús Iglesias, Cayo Lara o Gaspar Llamazares!

¡Xesús (Iglesias), qué risa!

Pa reír más, lleer: IU advierte al PSOE de que no entrará en un Gobierno que asuma recortes (La Nueva España del 19/03/2012)

Mieres tiene casi 5.000 facturas sin pagar y debe 2,5 millones sólo de agua y basura

Llean, llean ehí. Esos son los efectos d'un gobiernu sedicentemente progresista que lleva gobernando (ja, ja) -esto ye colocando amigos- Mieres dende 1979, col apoyu d'IU cuando fizo falta.

Nun hai más que comentar: cuando nin siquier se ye pa cobrar el serviciu d'agua y basura o cuando ún nun paga lo que contrata, nun ye qu'un sea un inútil, ye qu'ún ye un sinvergoña y un demagogu, que ta na política pal chollu los amigos (esto ye, los del partíu propiu y los arrimaos) y pa tar nel mandu mentestantu la cosa nun reviente.

A esto y a otres coses paecíes ye lo que-y llamen "política progresista", "política al serviciu'l pueblu" y "política d'izquierdes". ¡Mientres los fatos lo crean!

Mieres tiene casi 5.000 facturas sin pagar y debe 2,5 millones sólo de agua y basura (La Nueva España del 30/07/2011)