¿Cuánto paga vusté polos servicios que recibe o polos bienes que compra? ¿Sabe satamente cuánto ye'l valor real -de mercáu, nun teóricu mercáu llibre- del bien o del serviciu? Pues, como saben o intuyen, la metada de lo que se paga pol tabacu, pola gasolina o polos alcoholes, son impuestos de triba variada, munchos de los cualos son productu de decisiones polítiques que, tresallá del so algame económicu o funcional, suponen votos pa los gobiernos que les promueven.
Asina, de cada 2 euros que pagamos pola gasolina o'l tabacu, más de la metada (1,22 €) son pal Estáu.
Nel casu de la lletricidá ye entovía más llamativo. La factura la mesma soporta dos impuestos: el de la lletricidá, que ye un porcentaxe fixu (4,864%) sobre la enerxía consumida, y l'IVA, que subió al 18% el pasáu 1 de xunetu. Por ciertu, esi impuestu sobre la lletricidá aniciólu'l primer Gobiernu de José María Aznar y entró en vigor el 1 de xineru de 1998, cuando yera ministru d'Industria Josep Piqué.L'importe total de cada recibu de la llume repártese ente una veintena de conceptos. D'ellos, ná más que tres respuonden a la enerxía consumida: xeneración, trensporte y distribución. Estos sumen 45,6 euros nuna factura d'un importe teóricu de 100 euros. El restu, 54,4 euros, son impuestos, recargos y otros, según los cálculos d'ingresos y costes fechos por Unesa, la patronal del sector llétricu.
Nesti apartáu destaquen les primes a les renovables, qu'atropen 22,5 euros del total del mencionáu recibu. Hai que sorrayar qu'esa cantidá ye mayor que la suma de dos de les actividaes esenciales pal suministru, como son el tresporte (4,6 euros) y la distribución (16,2 euros). Nel 2010, les primes a les renovables van algamar los 6.000 millones.
L'importe del recibu la llume repártese ente una veintena de conceptos. L'IVA y l'impuestu sobre la llectricidá sumen 18,7 euros. Pal déficit de tarifa (qu'acostina yá casi 25.000 millones d' euros) son 6,1 euros y 3 euros pa les compensaciones estrapeninsulares (garantiza'l suministru a les isles). Tampoco ye pa que nos caigan embaxu los 4,1 euros que se reparten ente la Comisión Nacional de Energía (CNE), l'Operador del Sistema, la moratoria nuclear, los planes de calidad del Gobiernu, el sistema de interrumpibilidá, planes d'aforru y eficiencia enerxética y l'estra déficit de tarifes de 2009.
Invítolos a pinchar equí pa ver una magnífica representación gráfica d'ellos
No hay comentarios:
Publicar un comentario