Curioses comparances les que propón el PSOE p'Asturies.
Inspiraos na propaganda d'un refrescu d'una famosa multinacional, y tras nun atopar modelu más cercanu, tuvieron que dir a Francia a buscar a un de los másimos esponentes del "art brut" o arte marxinal (con orixen nos enfermos psiquiátricos) pa grabar un vidiu promocional qu'anda pela rede.
El personaxe en cuestión pasose tola vida contruyendo'l so mausoleu, primeru ún nel que les autoridaes nun-y dieron permisu pa enterrase (El Palaciu Ideal) y dempués otru dientru del cementeriu llocal (La tumba del silenciu y del reposu infinitu).
Como pueden comprobar na publicidá socialista, esti ye'l enfotu, modelu y obxetivos que tien Javier Fernandez (y el PSOE) pa con con Asturies: trabayar tolo posible pa convertir Asturies nuna necrópolis col so particular Mausoléu, un enorme cementeriu plagáu de suntuosos monumentos funerarios destinaos a enaltecer el honor, la gloria y memoria del PSOE (y los sos presidentes).
Esto ye, un gran "Valle de los Caidos" qu'abarque toda Asturies. Y van camín d'ello.
EQUÍ dexo la publicidá orixinal inspiradora, muncho más refrescante y menos inquietante que la socialista:
No hay comentarios:
Publicar un comentario