Vengo diciéndo-yos fai tiempu que los cerebros que discurren la UE son más cranios que cerebros, más calabaces valeres que calabaces enllenes. El SME (l'antepasáu de l'actual unión monetaria) fue un fracasu; l'euru ye un fracasu y tal mal discurríu dende l'entamu; l'"Espaciu Schengen" -talu cualu- nun puede tener salío más que cabeces folleques.
Too ello, nun lo tenga por babayada o bocayada, díxelo dende'l primer momentu. Agora, de sutrucu, danse cuenta de que dexar circular a tol mundu peruquiera ensin control ye una llocura, sobre too, en dellos momentos, una llocura, además, de la que s'aprovechen delincuentes, mafies y traficantes. Agora, d'esmenu, a lo que se ve caen nello. Dense cuenta: hai fronteres que califiquen de "coladeru". ¡Pero nun fuisteis pa velo enantes, maninos?
¡Ya ven: cabeces folleques ensin nación, naciones valeres de cabeces!
Si quieren más detalles, l'espetu: "París y Berlín piden restablecer los controles fronterizos (La Nueva España del 19/04/2012"
No hay comentarios:
Publicar un comentario