Graciano Torre, conseyeru d'empléu (que al respective, aquello del cuentu popular de la imaxen de San Antón de la Peral: "San Antón de la Peral, ¡les peres que te comí!; los milagros que tu fagas, que me los cuelguen d'equí" -deixis a la entepierna del visitante de la ilesia y contemplante del santu, antigu propietariu de la peral de la que saliera la madera pal santu-):
"¡Ojalá Coca-Cola sufra lo que tiene que sufrir!"
Esti ye'l nivel de los nuestros gobernantes (a los que votamos mayoritariamente, ¡güeyu!, y con entusiasmu). A lo meyor apláudenlu munchu los lliberaos de la UGT, y seguro que güei (güei, non pasao mañana) présta-yos muncho a la probe xente de Coca-Cola en Colloto; pero igual de seguro que xente que taba pensando en traer pa equí trabayu o una empresa va salir corriendo pa otru llau, o, polo menos, va pensalo.
Y volviendo a lo del santu: ¿cuántos empleos ayudó a crear don Graciano na so vida d'alcalde o na so vida de conseyeru (¡que vaya conseyos!). ¿Y el partíu que lu emplea a él y otros fenómenos como él?
No hay comentarios:
Publicar un comentario