Como diz Lluques l'evanxelista. O, dicho d'otramiente, méxome de risa.
¿Por qué? Escuchando los espatuxos y glayíos de diputaos y sindicalistes asturianos quexándose de que los sospechosos de facese con dineru ilícitamente qu'ellos llamen a la Xunta "nun despliquen nada", nun van ellí a confesar.
¿Pero qué ye? ¿Teníen que facelo? ¡Van dir ellí a acusase de cometer delitos o a dar datos que puedan comprometer la so defensa nes sedes xudiciales. ¡Vaya risa! Si hai daqué delitu solo lo van averiguar la policía l'Axencia Tributaria y los xueces. Si hai daqué que descubrir solo estos lo van a decir. Y si ellos tán obligaos a decir daqué o argumentar daque o piensen decilo, solo lo van facer delantre esa Santísima Trinidá qu'enantes dixéramos. ¿Pero nel Parlamentu y urbi et orbi? ¡Venga, home, venga!
Y que me lo digan: ¿qué ye que toos estos llistos de los diputaos y sindicalistes y xente de los respectivos partíos nun lo sabíen? ¡Venga, home!
Lo que pasa ye que-yos nagüen por ser actores de la Compañía Asturiana de Comedies.
No hay comentarios:
Publicar un comentario