De mano: nun me digáis que nun ye una carrera pa mi, con esi nome.
Llegué, según la mio aplicación, Sporttractive, en 38,01 minutos, dos minutos menos que l'añu pasáu.
Nun sé cuál va ser el tiempu oficial, porque hubo un tracamundiu na meta: enantes d'entrar paróme (o eso entendí) una xuez, diciendo que nun podía entrar. Polo visto, nun yera pa mi, sinón pa unos rapazos qu'entraben con unos neños de la mano. Total que quedé paráu hasta que me lo aclaró, y dempués pasé l'arcu, pero nun llegué a la cámara onde grababen, onde polo visto había que llegar, colo que tuve que volver p'atrás y arrancar. Nun sé que saldría de too ello.
De les tres semeyes que cuelgo, nuna toi llegando, y anden perihí los rapazonos colos rapacinos. Na otra, toi col móvil na mano (pa parar l'aplicación) y estiendo les manes pa pedi-y desplicaciones a la xuez de por qué nun podía entrar. Na ora toi nos caberos cien metros, a l'altura del Café de la Esquina, en Colunga.
En cualquier casu, y tiempu aparte: feliz y contentu. Yá decía José Antonio Fidalgo, cuando, allá hacia mediaos de septiembre s'enteró de que corría, que Dios ampara la incocencia. A lo que yo (too ello nel facebook) contesté-y que "amén".
Por ciertu, cuerro, polo menos, dende'l 2003.
No hay comentarios:
Publicar un comentario