Ayer tuve en Pravia pa participar nuna mesa redonda nes decimoctaves Xornaes Lliteraries en Pravia, que teníen el títulu xeneral de "Narrativa y posverdad".
La mesa na que yo participé tenía de títulu xenéricu "La pervivencia del mito". Moderábala Carmen Cabeza y falábamos Guillermo Suárez Noriega, con "La pervivencia del mito", Román Álvarez, con "Vigencia del ensayo como género literario en el momento actual" y yo con "La mentira como ferramienta política y lliteraria".
En dos semeyes, los miembros de la mesa. Nes otres dos, dos rapacines que quisieren sacar una semeya migu.
Por ciertu, norabona a l'Ayuntamientu, que caltién a lo llargo de tanto tiempu les xornaes, cosa, en verdá, estraordinaria, y a Esther García López, que les empobina, con bon criteriu, aciertu y mano de fierru pa llendanos a los participantes, que solemos pensar que los reloxes y les hores son de chicle, al mou y manera de los de Salvador Dalí.
No hay comentarios:
Publicar un comentario