El PP, Cherines y cía, acaben de sacar un videu contra l'asturianu, sí, sí, contra l'asturianu. Pero ye d'agradecer, ayuda a vaciar la vexiga de la risa que da. Si lu ponen nos hospitales asturianos, de xuru que diben poder quitase toles sondes del aparatu urinariu, porque facilita y fai antainar el vaciáu de la vexiga.
Porque, efectivamente, de tolos que salen nel videu contra l'asturianu, tan serios, tan enfotaos, y que dicen qu'ellos falen y quieren l'asturianu, NIN UN SOLU DIZ UNA PALABRA N'ASTURIANU, toos falen en castellanu, menos o dos o tres que, al final, dicen una palabra n'asturianu.
De mou que nun ye solo que mientan y que se desvelen como mentirosos a sí mesmos al falar, y que dan la risa polo mal que lo faen. ¿Cómo se pue argumentar que se quier y se fala l'asturianu y facelo solo en castellanu?
En fin que, como diz, la mentira tien les paties curties o, meyor equí, la mentira tien les palabres como denunciadores de la mentira. ¡Qué poca intelixencia!
¡Gracies, Cherines y cía! Polo de la vexiga, claro.
No hay comentarios:
Publicar un comentario