El conseyeru, don Genaro Alonso Megido, afirma, según recueyen güei los medios, que "Las tareas burocráticas están aumentando y van en detrimento de la atención del alumno" y afirma que van a estudiar reducir les 30 hores de permanencia nos centros a 28.
¡Como si nun fuese cosa d'ellos too esto! ¡Como si la única política de la Conseyería d'Educación a lo llargo d'estes décades nun fuere precisamente esa: cargar d'impresos y reuniones a los profesores, enfotaos de qu'eso yera'l bálsamu de Fierabrás pa la enseñanza!
¡Como si, delantre l'aumentu de la carga llectiva de 18 a 20 hores, nun pudieren reducir nel so día la permanencia nos centros (mano sobre mano, munches d'eses hores) de 30 a 28!
¡Como si nun fuere un socialista, don Vicente Alberto, el que, cuando rebaxó dos hores a tolos funcionarios al entamar el so reináu, negóse a rebaxales a los enseñantes, dexándo-yos les 30 hores que teníen y obligandolos a tar nos centros mano sobre mano o rellenando papeles!
Pa estos rapazos, ¿qué ye la memoria histórica?
No hay comentarios:
Publicar un comentario